21 04 2005
زي ديل الكلب
ثلاثة أيام من المجهود الضائع و فقعة لا نهائية هي نتيجة السيناريو التالي:
ويندوز يا باشا في تصليحات جديدة على الموقع بتاعنا مخصوص للنظام بتاعك؛ سعادتك تحب نركبها علشان يبقى آمن و مية مية؟
أنا ركِّب.
بوم طاخ طيخ..عدادات و مؤشرات و نوافذ تفتح و تغلق.
ويندوز كله تمام يا باشا..بس يا ريت تعيد تشغيل النظام علشان المفعول يبتدي.
أنا ماشي.
أبدأ إعادة التشغيل فيغلق النظام و تكون هذه آخر مرة أراه فيها سليما حتى ثلاثة أيام بعدها و لا يزال يعاني من بعض العاهات أعمل على أن لا تكون دائمة.
